日常Supplement篇

近呢一兩年，我開始服用一啲supplements，因為兩個契機，令我知道我都係時候要補充平時吸收唔到嘅營養。

因為我之前果份工係比較體力勞動嘅工作，好多時我都有力有不逮嘅感覺，我當然知道體力係會同飲食習慣有不可分割嘅關係，但有時真係好難可以保持好嘅生活習慣，所以真係好難喺我身上搵到活力感。
再這，我不嬲免疫能力都差差地，1年多前我竟然被小朋友感染到“手足口病”，睇醫生果時被佢話佢行醫咁耐都未見過有成年人感染過，我係第一人。。。好瘀呀！瘀到爆炸！！！所以由果時開始物色有d咩supplements係啱食。

當然第一時間會諗起Multi-Vitamin，提供返每日所需，除咗energy之外，均衡營養可以保持皮膚，肌肉，骨頭，免疫系統，大腦，新陳代謝嘅健 康。食咗2，3日左右已經真係感覺到比之前精神咗好多，朝早起身無咁困難（嘻嘻），無咁容易疲累。但我都唔係日日食架，一星期食3次左右啦～

第二樣就係Grape Seed Forte，葡萄籽對抗氧化係超好，不論係身體定皮膚，因為游離基係我地嘅大敵，所以一定要注意呀～

最後係，Vitamin E，都係有抗氧化功能，對心臟健康有幫助～

日常護膚品之眼部產品

眼睛嘅皮膚係最容易同最早出現老化嘅地方，所以一定要因應皮膚情況仔細挑選產品，如果唔係，有可能會出現油脂粒或者乾紋呀。。。

想當年20歲左右到，購買咗我人生中第一支眼霜係Shisedo The Skincare系列嘅eye soother anti-puffiness/ dark circles． 係有少少奶白色嘅eye gel，都算幾乾身，對於年青嘅肌膚呢個已經好足夠，因為自身水份充足，只需要防止水份流失就可以。反而用太滋潤嘅眼霜會好多可能會出油脂粒，我自己之前 都試過因為搽咗唔啱嘅眼霜，出過好幾次油脂粒，佢出就好快，要佢走就好難，起碼要好幾個月時間，所以一有唔對路，就要停用，無奈嘅係一定要試過先知道啱唔 啱，所以購買之前，上網做多啲research，同埋最好去舖頭問佢攞simple試吓，因為我啱用唔代表你啱用～





好，繼續，到我22歲左右，開始覺得eye soother有啲唔夠用，所以就轉用Shisedo The Skincare嘅Eye Moisture Recharge，呢一支水份感重啲，但都係唔笠，所以我好鍾意用！佢係介乎gel同cream中間，所以感覺好清爽，夏天好熱嘅時候我都仲係用佢㗎～












但當我過咗27歲之後，第一條乾紋始終忍唔住靜雞雞走出黎，當然我馬上轉眼霜，而且開始勤力啲用eye mask，我以前真係好懶用eye mask，但當你發現第一紋出現，晴天pig pig地要改變呢啲懶惰嘅習慣。。。話說我轉用咗Shisedo Bio-Performance嘅Super Eye Contour Cream，因為一直都係用Shisedo嘅產品都覺得好好用，所以諗都無諗就買咗黎用（試都無試過），點知。。。佢都於當時嘅我黎講太潤喇，呢條 line係for偏向成熟啲嘅皮膚或者天氣比較乾燥時用，我就係咁就出現咗第二次嘅油脂粒 >.<（第一次係用H2O)。Anyway，我將佢留返冬天時用，咁都幾OK呀～ 佢算係半厚身嘅眼霜，有滋潤感，薄薄一層已經好夠喇。






到舊年開始，我加多咗一個程序，就係眼部精華素～ 我用嘅係Estee Lauder Advanced Night Repair Eye Serum Infusion，有意想不到嘅效果，搽咗2個月之後，明顯地眼周圍嘅肌膚柔潤咗好多，感覺上提升咗啲添～ 另外我最近開始試用Estee Lauder嘅Advanced Time Zone Age Reversing Line/ Wrinkle Eye Creme，因為之前買嘢送咗啲simple，所以試用咗差唔多成個月，好抵呀～～ So far so good啦，再等多排先可以做總結～






待續。。。