話說我嘅一個小學同學喺佢個blog介紹呢支Lancome New Advanced Genifique, 搞到我心絲絲買咗一支試吓，佢果一句 “解開「青春」密碼” 真係好有推動力囉，哈哈！好希望真係可以 “柔滑如絲，細軟如綿” 啦～～～ 其實早排都開始留意呢支野，因為喺Youtube有睇過另一個blogger水魚佢都有推介過，又係話堅好用。既然有兩個咁positive嘅意見，值得一試～～～ 今晚開始搽，效果後話啦。
呢一支Lancome DreamTone 我見香港好似仲未推出，喺澳洲都係新出，所以未有好多review可以參考。佢嘅產品簡介話有效地改善膚色不均，暗啞，痘痘印，斑點等瑕疵。而且佢有三種配方適合唔同膚色，我買嘅係2號，可以幫助鼻翼週邊發紅以及去黃作用。
而呢支係Clarins Double Serum賦活雙精華，我諗咗好耐買唔買好，因為有太多精華素，唔知
幾時先搽到佢，哈哈，不過呢之前用Clarins果支水潤活肌保濕精華有出乎意料之外嘅效果，所以成日都好想再試Clarins其他產品，又咁難得有10﹪off，最後都係忍唔到手買埋。講埋先，佢結合水油黃金比例精華，可以減淡細紋，緊緻肌膚及增加彈性。不過呢支我未必會日日用，可能會一星期用兩至三次，因為我會以保濕為主，始終皮膚夠水分自然瑕疵就會減少。
最最後，Estee Lauder Advanced Night Repair II 升級再生基因修護露，亦都係我考慮咗一段時間，因為function上佢同Clarins果支有d相同，但又想買黎試吓因為口碑實在太好喇，而且我有用開Estee Lauder嘅眼部精華，效果非常好，因此對呢個牌子信心大增，所以最終佢都成為咗我今年嘅聖誕禮物之一囉～～
以上4支產品嘅用後感不日送出，因為點都要d時間先睇到有無效，所以待續lu~~
肌
賦活雙精華
賦活雙精華
賦活雙精，
No comments:
Post a Comment