sample多到好似永遠都用唔晒咁，多到可以放上網賣！（因為我真係等去旅行先用，但一年咪頂籠去一次oversea加幾次camping，用得幾多，哈哈！）
另一最大問題係。。。紙面膜。。。明知自己唔鍾意用紙面膜，但成日都忍唔到手係咁買。。。真浪費，好彩有人可以幫手用，今次返香港真係要制止制止！！
好，入正題lu~
我將會分享我日常用嘅護膚品，因為有d多嘅關係，可能會分開幾個post架～
第一樣係化粧水，其實我都有用過好幾個牌子。
由19歲開始我就一直都係用Shisedo嘅The Skincare嘅健膚水，效果一直都幾好，但近呢幾年皮膚質素真係大不如前，應該係話過咗25歲之後，一d簡單基本嘅護膚品真係明顯唔夠，一來係吸收能力嘅問題，二來應該居住環境。
所以呢幾年都一直不斷地尋找可以令我有bling一聲嘅化粧水。有點兒可惜嘅係暫時仲未有一支有bling-bling 感覺，不過我so far試過嘅牌子中大部分效果都唔差嘅～
呢一支係我暫時最推介嘅，JUJU Aquamoist玻尿酸化粧水，價錢十分合理，而且非常之適合濕敷急救缺水皮膚，好有水潤嘅感覺。我都有試過同牌子嘅美白化粧水同骨膠原化粧水，美白果支就真係一般般，骨膠原果支都ok，可以一試，此終每個人嘅膚質同吸收能力都唔同，有時要親身試過先知啱唔𠴱自己。
好，另外一支都幾ok嘅就係Bioderma Moisturising Toning
Lotion。一講起Bioderma，多數人都會諗起佢果支潔膚水，但係其實佢其他產品都可以試吓，我就試咗佢呢支化粧水同另外兩款mask，mask就後話啦，呢支水係真係好水（唔係水皮個水呀，唔好誤會，哈哈！），吸收得好快，都有明顯效果，只係喺澳洲嘅冬天就唔係好夠咁囉～ 不過佢真係有比我預期好，上品～ 會返購～
最後一支，差d唔記得佢，就係Kiehl's Ultra Facial Toner（澄清：我只用咗大概5日左右），我表妹極力推介比我用，佢話佢用完之後皮膚非常之好，好滑好正。不過呢，我用後感係。。。好一般，無任何amaze到我嘅感覺，好黏，同我皮膚唔多吸收到。所以話呢，每個人都唔同架～
今日就係咁多先，明日繼續～
No comments:
Post a Comment