花粉症嘅日子又黎啦......

Nov 2016

話說今年係呢50年黎花粉症(hay fever)最嚴重嘅一年...

我身邊嘅親人呀, 朋友呀同同事呀, 好多人日日都口腫面腫咁, 眼都紅曬...

真係陰公豬囉...

原本呢hay fever就唔係好關我事嘅... (touch-wood touch-wood...)

點知我個大少(my partner)今年hay fever發到豬頭炳咁...

發到出一出個廳, 就失眠幾個鐘 (因為個廳開咗窗... =.=)

拿拿林上網睇空氣清新機... 佢... 唔係我... 哈哈哈哈!

佢見到Dyson出咗部新野, 清新啲空氣之餘, 有埋冷暖氣功能(冷係指涼氣, 即係風扇, 唔係真係冷氣呀~), 仲標明去除99.95%嘅花粉...

佢都諗咗好耐... (好耐即係幾個鐘... 哈哈!!) 因為其實都幾貴吓... AUD749...

不過我話我遲早都會買部Dyson嘅冷暖機 (我睇中好耐架喇... 係一直都無藉口買姐~~), 咁就買呢部啦...

佢都未試過咁快就決定買一樣野, 因為佢有超級嚴重嘅選擇困難症...

一支箭咁標出去, 返到屋企即開即用... 幾咁有效率...

係幾好嘅... 尋晚佢都無咩點話辛苦... 呢啲錢係要洗吓嘅... =.="

**** 香港都好似出咗!? 好似仲貴過澳洲?!?!?

Any肥, 有需要嘅朋友可以睇吓:

Dyson Pure Hot + Cool link
http://www.dyson.com.au/fans-and-heaters/purifiers/dyson-pure-hot-cool-link/create.aspx

Tamagoyaki 又黎喇~~~

Oct 2016

玉子燒係我地耐唔使要食吓嘅小食...

師傅有請~~~

雞蛋8隻, 糖兩茶匙, 仲有啲橙皮tim... (唔係唔係... 哈哈... y世代明我講咩嘅~~~)

正經喇... 呢個食譜係我試咗好多個唔同食譜搵出黎最啱我口味嘅~~~ 如果你地覺得唔對味, 就自行改善, 因為大家口味唔同呀嘛~

雞蛋8隻 (真係8隻...)

糖30g (鍾意食甜啲就要加多啲喇... 唔... 我有次加到45g, 啲人先話夠甜... 所以唔可以成日食...)

鹽少少 (1/4 teaspoon 左右)

Mirin 1 teaspoon

Sake 1 teaspoon (無都唔緊要~)

Dashi 180ml (自己整到就最好, 唔得閒嘅可以用dashi粉開~ **有啲食譜用清水, 係無咁重味, 不過好想食但又唔齊料嘅時候, 未嘗唔係一個解決方法...)

基本上撈勻曬佢, 拎去煎就得架喇... (點煎?? 去睇睇Youtube包你識煎~~~)

得閒試吓啦!

Yummy yummy roasted lamb

Oct 2016

呢日喺朋友屋企一齊整Roasted lamb... (其實我淨係有份食架咋~~ 哈哈哈哈!!!!)

原來一d都唔難整架喎...

首先你要有一個煲... (煲??? 呢個叫煲????? 呢個究竟叫咩??????????)

Any肥... 做法係...

先放你自己鍾意食嘅蔬菜喺煲底 (先用olive oil, 鹽同黑胡椒撈撈佢, 鍾意嘅可以加啲garlic),

之後將已經用olive oil, 鹽同黑胡椒"捽"過嘅羊肶放上去,

要make sure個蓋冚得埋喎...

跟住拮啲rosemary入個羊肶度.... 目的係要rosemary啲味"shum"入個羊度... 所以最好拮入啲~

OK! 冚蓋喇~~

放入已經預熱攝氏200度嘅焗爐, 焗佢個半鐘(1.5小時)就食得架喇~~~

*** 如果你想個外層脆啲, 就要最尾嗰25至30分鐘打開個蓋***

呢個最啱一班朋友仔一齊整一齊食, 因為中間有成個幾鐘吹水時間~~

汁醬方面, mint sauce係絕配, 或者gravy都得~~

係咪好易呢~~

親親大自然

Oct 2016

天氣好似好靚呢~~~~~~ 其實係超級大風..... Severe weather warning... O.o 正所謂吹到人都顛!!!

不過風景靚係真嘅... ^.^

呢度係Ruffey Lake Park, 非常就腳, 離CBD唔遠...

好易行, 同小朋友一齊去行都好輕鬆~~

一齊親親大自然喇喂~!~ XD

又食喇喂~

Oct 2016

今次試新野~~ 因為有兩個人不約而同咁介紹我食呢間叫Chumanchu嘅越南fusion菜...

位於Preston同Thornbury交界, 餐廳面積都OK大... 坐得都幾舒服...

價錢較大眾嘅貴少少... 但份量好足...

而且味道都好好~~ 係個Pad Thai個味同傳統嘅不同, 但唔係唔好食啊~~ 係唔同姐!! XD

開心指數: 4.0/ 5.0

新拉麵店@Richmond

Oct 2016

話說以前Richmond有間拉麵店Momotaro超級好食... 係由日藉夫婦打理...

上個星期三諗住去食嘅時候, 發現佢已經唔喺度喇… 超級唔開心… >.<

不過喺同一個位置開咗又係拉麵店, 呢間叫 No 18. 

望落去又好似好好味咁喎~~~

試吓先~~~ 唔..... 唔........ 唔................................................

唔係好好味咁囉.... 失望了....

真係好希望Momotaro返嚟呀~~~~

新朋友仔呀~~~~~

July 2016

嘩哈哈哈!!!!!! 好大隻bear bear from Costco...

買咗兩隻因為有一隻係送比姨甥女~~~~

返屋企果程不停咁見到後座好迫呀~~~~~

但好搞笑囉!

塵世美之旅又嚟喇~~

May 2016

今次去Tasmania主要係去Salamanca Market...

詳情: http://www.salamanca.com.au/

佢係每個星期六都開架, 係一個outdoor嘅市場...

有好多好好味嘅野食, 又有好多好得意嘅野睇/買~~

好值得一去!!!

去Tasmania梗係唔少得要食生蠔同scallop pie.... 要試要試!!!!!!

有時間可以去Devonport嘅鐘乳洞, 佢唔係好大, 不過幾靚~~

Devonport: http://www.devonport.tas.gov.au/Home

鐘乳洞: http://www.gunnsplainscaves.com.au/

鍾意食芝士嘅朋友可以去埋cheese farm, Ashgrove呢間幾唔錯架~~

http://www.ashgrovecheese.com.au/

2016年日本之旅

終於有時間正正經經整吓d相喇~~~

April 2016

(由上至下, 左至右)

1. 到大板嘅第一餐, 梗係食大板燒啦~~~~~~~ 其實係... 因為太肚餓, 有人提議就去... 無plan架... 但又好好味喎~~~ http://www.ideaosaka.co.jp/app/store/shop.php?ssid=1059

2. 唔使多介紹啦~~ 難波嘅其中一條街!!

3. 好好好鬆軟嘅芝士蛋糕~~~~ https://www.facebook.com/pages/Rikuros-Cheese-Cake/520722024699716

4 - 5. 黑門市場 http://www.kuromon.com/

6. 大板城附近條河, 超靚景! 今次真係要多謝個天, 原先我地去嘅時間係應該啱啱過咗賞櫻期... 點知佢地今年遲咗開, 所以先有幸睇到櫻花~~~~

7. 純粹夜景一張~ 都好迷人呀!

8. 廚房街,,, 買咗好多野囉... 拎到手都痛埋... 不過好開心呀, 因為廚房多咗好多新成員, 有食啦有用啦~ yeah! http://www.osaka-info.jp/ch_t/shopping/speciality_stores/5198.html

9. 超彈牙嘅Udon, 喺梅田地鐵站附近... 唔記得叫咩名... *o*

10. 八爪魚丸, 大部份都好好味~~~~ 成個旅程食咗..... 唔..... 好似5次?? 6次?? 唔記得tim...

11. 京都好靚嘅風景, 好舒服嘅感覺... 溫度剛剛好!

12. 漬物, my favourite... 但要雪住又唔放得耐, 而且唔知入唔入得境... 所以無買到... 好可惜呀~

13. 京都嘅牛角 - 大滿足之晚餐!

14. 清水寺睇夜櫻, 清楚感受到咩叫醉人夜景... 噢~~~~ (陶醉中~~ 請勿打擾, 謝謝! XD) ...... 不過超級多人... 巧迫呀!!!!!

15. 公仔... 哈哈哈哈!!! 覺得好得意所以影...

1. 衹園入面嘅"美容水", 有無效呢????? 好似唔多覺喎... 哈哈哈哈!!!

2. 小食攤@衹園

3. 行緊去路花小見, 沿途好古色古香嘅感覺...要慢步欣賞~~~

4. 到喇到喇...! 係幾靚嘅, 但其實京都周圍都係咁靚架啦~~~

5 - 6. 築地魚市場

7. 心心睇嘅新鮮魚生飯, 正到無得彈!! 不過好易膽固醇超標囉...

8. 乾貨果邊嘅店鋪, 我地行得好開心, 又買到心水野~~ 雖然可能貴過出面, 但good quality最重要!

9. 哈哈, 食魚生飯果間野, 食完一出門好多人排隊... 格離仲多....

10. 店主(or店員啦)好有heart咁幫章魚乾仔畫公仔... 超cute!!!!!

11 - 12. 有所不知嘅隱世小舖.... 係米芝連餐廳!!!!!! 淨係做平日, 淨係做午市, 11am 開舖, 賣完就收工........... AND鳗魚飯only~~~ (當然係因為佢係鳗魚飯專門店啦~) 佢招積係有佢原因嘅, 價錢合理, 唔會因為做咗米芝連就加價加到overprice, 同埋真係超水準!!!!! 不枉我地排咗半個鐘頭隊... (溫馨提示: 店舖好細, 大概得10個坐位左右, 而且聽聞有時兩個鐘就會售罄... 想食就11點鐘好去到啦~~ ^^)

13. 又一個唔使多講~~ 雷門!!! 真係值得一去...

14. 行街途中比我地見到Mario同佢d friends?!?!?!?!?!?!?!?!?!?!?!?! 真係只有日本街頭先有可能出現... 哈哈!!! Btw, 全部都係老外~~

15. Jumbo size八爪魚丸, 同9年前嘅味道一樣... 一定係, 除非唔係!!! XD

久別之Camping

September 2016

今次又係去Lake Eildon, 上次就喺National Park入面(平d不過公共廁所唔係成日有人打理...), 今次喺Camp Park, 係好d嘅...

Camp Park 網址: http://bluegumsriverside.com.au/

好耐無去camping喇... 一去就咁... *O*

水浸?!?!?!?!?!?!?!?!?!?!?!

話說個風由South Australia嗰邊打過嚟... 原先星期四出發, 但最後都係延遲都星期五先去... 好彩姐...

一共3個campsites,

一共18個人(有2個係小朋友同2個小小朋友, 哈哈!), 

一共7架車, 

一共7個tents, 

一共2個gazebos, 

一共5張枱....... 

同好多好多野食........ 

不過因為天氣唔好, 無咩點影相... 得果兩張... 哈哈哈哈!!!!!!!!!!

***有相有相!!!!! 偷相from my friend friend~~~~~ 唔再淨係得果兩張"路牌相", 哈哈哈哈！

你睇唔睇到"誰"在sleeping bag入面????!!!!!?????!!!!!

Hi~~ 我叫Potato呀~~~ nice to meet you!!! 我係女仔嚟ga~~ 

我係第一次去camping咋, 請多多指教~~~

打邊爐~~ 我地一齊打邊爐~~~ (請自行加background music~~ 嘻嘻)

呢個係我地嘅指定動作~~~ 

食喇喂~~

第二晚終於無咩點落雨, 可以整返個camp fire, 仲要乘2!! 超warm呀~~~

呢個項目, 要多謝兩位男士~~ 行成公里去搵木頭... 同專業嘅透爐技巧~! 真心嘅XD

點知... 走果日天氣不知幾好!!!! 梗係周圍逛吓啦~~~ 唔好嘥咗呢個風和日麗嘅時刻 ^^

喺附近搵到個Trout Farm, 3蚊入場費(每人), 3蚊租魚杆(可以share用), 釣到嘅魚就要買(注意: 一定要買架, 因為trout一釣離水就好易死架... 所以所有Trout Farm都有寫明!)

我地一共釣到4條三文魚同3條trout~~~ YEAH!

有興趣可以click入去睇睇: http://www.eildontroutfarm.com.au/

重點: 風景實在太優美喇!!!!!

風景真係超靚! 風景真係超靚! 風景真係超靚!

(因為很重要, 所以要講三次! XD)

下回camping會係喺Christmas之後~~~

肥仔食品之一

June 2016

我個人覺得最最最好食既點心!

糯米雞!!!!!!!!!!

話說呢邊d糯米雞又貴又唔太好食... 所有呢... 自家煮又出動喇~~

原來比想像中簡單好多!!!! 好易整ga咋~

不過也發現左點解d人話好肥囉...... 因為真係好肥.... >.<

都係少食為妙~~ 正所謂少食多滋味, 多食壞肚皮... 呵呵呵~

My new toy from Japan - 章魚燒個模

April 2016

今次去日本搜購目標之一!!!

買左當然要試吓啦, 唔係買黎做咩~~~

咁當然大成功!! 用cake pop機都得, 無理由呢個唔得既~ 哈哈!!!

但係同一個問題又再出現................................. 整同食既速度實在差天共地... 有咩辦法?? XD

Kanidoraku in Japan

April 2016

人生第一次去蟹道樂!

喺大坂既道頓堀食... 雖然係午餐, 但都好滿足!!!

個蟹粥正到呢~~~

仲有佢個綠茶雪糕真係一絕, 食過既朋友應該知我講咩~~ 哈哈!!!!

就因為呢個綠茶雪糕, 我就成set茶道工具買左返屋企~~~ (最basic果d咋...)

自家煮Topokki/ Tteokbokki

25/09/16 @home

我真係好鍾意食呢個辣年糕ga!!!!!!!

耐唔史都要食吓~~

所以今次就喺屋企煮... 超好食!! 因為年糕係新鮮喺韓國舖買既, fish cake都好好味!!

之不過好很辣, 因為用左pre-made辣年糕醬包, 辣到飛起!! 我已經兩溝ga喇... 一包辣同一包甜...

但係亦都同出面食一模一樣... 真矛盾!

不過下次我試吓自己煮個汁... 因為我搵到個you-tuber教, 有興趣可以去睇睇~~

http://www.maangchi.com/recipe/ddukbokkie

^^

噢賣葛...

對上一個blog已經有2年幾喇... 真係嚇C人... 時間會唔會過得怏左少少呢～～

Anyway...

話說前排因為要去Bail參加我好朋友既婚禮, 要去Perth轉機, 所以順便留一日玩吓...

18/09/16 @Kings Park

其實Perth比我想像中人多同車多, 最衰都係我個friend囖... 成日同我講嗰邊咩都無, 搞到我真係以為好荒蕪... 哈哈哈哈!!!!!!!!

所以呢, 都係等自己去過睇過先好comment喇...在我而言, Perth係一個好舒服既地方, 但因為得果一日時間, 去得邊呢~~ 下次要留耐d先~~~ 今次淨係比個靚view黎睇吓啦!!

--------------------------------------------------------------------------------------------------------------------------

至於好朋友既婚禮呢~

實在太感人喇... 不過因為privacy原因, 在此不便放相喇...

但係~~ 可以睇吓酒店同表演既相~~~

泳池呀~~~~~~ 不過留得太短時間, 根本都無得用吓d設施... 不憤... 哼!

My 早餐!!! 要食飽飽先有力氣做姊妹~~ 哈哈哈哈!!!!!!

(不過太飽, 條裙會好窄... >.<)

Fire Dance!!!!!!!! 係當地一個傳統既慶祝表演

晚宴時安排既節目之一

另一個讚嘆既時刻... 為晚宴寫下完美既句號!

但亦為一對新人燃點新既一頁... 祝願你們像煙火般燦爛!